Mae angen i Gymru wybod am ei gorffennol. Mae deall hanes diwylliant yn hanfodol i’w dwf a’i ddatblygiad parhaus. Mae agenda Cymru’n Un Llywodraeth Cynulliad Cymru yn pwysleisio dathlu a gwarchod ein treftadaeth ragorol — a rhaid i wybodaeth fod yn sail i hyn.

Bu archaeolegwyr yng Nghymru yn cyfrannu at y broses hon ers tua dwy ganrif, gan gloddio safleoedd a cheisio dehongli’r hyn y gallant ei ddweud wrthym. Ond mae’r gorffennol yn cadw llawer o gyfrinachau o hyd, a rhaid i wybodaeth am adeiladau, henebion a thirweddau Cymru barhau i ddatblygu. Mae’r wefan hon yn cynnwys y fframwaith ymchwil sy’n gwerthuso’r cyflawniadau a wnaed eisoes ac yn nodi rhai cwestiynau allweddol y mae angen eu hateb o hyd.

Dechreuodd y gymuned archaeolegol yng Nghymru fynd i’r afael â’r her o gynhyrchu’r fframwaith yn 2001 gyda chynhadledd yn Aberystwyth a drefnwyd gan Grwp Sefydliad Archaeolegwyr Maes Cymru. Bu’r fenter drwy sawl cam ers hynny, ond cydnabuwyd o’r cychwyn bod rhaid adolygu a diweddaru unrhyw fframwaith ymchwil yn rheolaidd.

Rydym wedi cychwyn ar yr adolygiad mawr cyntaf o'r fframwaith. Mae hyn yn sgil cyhoeddi’r Datganiad Strategol a Chynllun Gweithredu ar gyfer yr Amgylchedd Hanesyddol yng Nghymru gan y Gweinidog Treftadaeth, ar 22ain o Fis Fedi, 2009. Mae'r Cynllun Gweithredu yn cyfeirio'n arbennig at yr angen i gyflawni adolygiad o flaenoriaethau'r Fframwaith erbyn diwedd 2010. Bwriedir cyhoeddi'r newyddion diweddaraf o hynt a helynt y gwaith hwn ar ein gwefan, ynghyd â rhoi gwybodaeth am sut gallwch chi ymuno yn y broses.

Sut y cynhyrchwyd y fframwaith?

Sut y caiff y fframwaith ei ddefnyddio?

'Towards a Strategy' - papur ychwanegol mewn ffurf PDF, (Saesneg yn unig) yn agored mewn ffenestr newydd