Yn ystod y Chwyldro Diwydiannol, roedd diwydiannau glo, metel, llechi a thrafnidiaeth Cymru o bwysigrwydd rhyngwladol. Dangosodd cyfrifiad 1851 fod mwy o weithwyr yn cael eu cyflogi mewn diwydiant nag amaethyddiaeth, ac o ganlyniad i hyn Cymru oedd gwlad ddiwydiannol gyntaf y byd.

Rhannau/crynodebau o'r blaenoriaethau ar gyfer pob cyfnod yw'r darnau canlynol. Ceir y testun llawn trwy glicio ar y cysylltiad isod i'r Adroddiad Terfynol i Gymru Gyfan.

• Cymru a’r byd ehangach - Mae angen gwneud mwy o waith i asesu pwysigrwydd cymharol diwydiannau Cymru a fydd yn sail i fentrau rhyngwladol ac i gael cydnabyddiaeth briodol.
• Y stoc adeiladau - Mae archwilio amlder adeiladau crefyddol, addysgol a domestig yn cynnig cyfleoedd i ddeall patrymau rheolaeth a hunan-ddyrchafiad, ymfudo ac amrywiaeth mewn cymunedau gwaith.
• Llwybrau trafnidiaeth - Mae angen cynnal astudiaethau pellach i gadarnhau pwysigrwydd camlesi, ffyrdd, rheilffyrdd a phorthladdoedd Cymru.