Mae astudio archaeoleg forwrol yn ddisgyblaeth gymharol ddiweddar, ond ceir ymwybyddiaeth gynyddol o’i photensial i ddarparu tystiolaeth bwysig ar gyfer cyfnodau cynhanesyddol a chyfnodau diweddarach. Mae datblygiadau arfordirol ac alltraeth cynyddol yn gwneud ymchwil a dealltwriaeth yn hanfodol.

Rhannau/crynodebau o'r blaenoriaethau ar gyfer pob cyfnod yw'r darnau canlynol. Ceir y testun llawn trwy glicio ar y cysylltiad isod i'r Adroddiad Terfynol i Gymru Gyfan.

• Defnydd tir cynhanesyddol - Mae cyfleoedd mawr i ddeall cynhanes cynnar drwy astudio aneddiadau arfordir cyfnewidiol Cymru wrth i lefelau’r môr godi, drwy dystiolaeth ar y tir a thirweddau tanddwr.
• Masnach arfordirol - Dylem ddatblygu ymhellach wybodaeth am sut y defnyddiwyd glannau Cymru ar gyfer masnach ac aneddiadau, datblygiad porthladdoedd, a mordwyo arfordirol a morydol.
• Llongau - Mae llawer i’w ddysgu am ddatblygiad mathau penodol o longau yng Nghymru mewn ymateb i amodau, deunyddiau a thraddodiadau lleol, a gofynion diwydiannau penodol.