Bu rhyngweithio rhwng pobl a’r amgylchedd yn hanfodol ym mhob cyfnod, a gellir gwerthfawrogi pwysigrwydd hyn oherwydd her newid hinsawdd i’n byd heddiw. Mae ein gwybodaeth am yr hinsawdd a llystyfiant o baill, esgyrn, hadau neu anifeiliaid di-asgwrn cefn yn amrywio’n sylweddol o hyd, ac mae’n hanfodol manteisio ar bob cyfle i gasglu deunydd o’r fath, er enghraifft o ddyddodion dyfrlawn ac ymchwiliadau archaeolegol a gynhaliwyd drwy’r broses gynllunio. Mae’n bosibl i dystiolaeth amgylcheddol fynd i’r afael â chwestiynau allweddol.

Rhannau/crynodebau o'r blaenoriaethau ar gyfer pob cyfnod yw'r darnau canlynol. Ceir y testun llawn trwy glicio ar y cysylltiad isod i'r Adroddiad Terfynol i Gymru Gyfan.

• Sut oedd yr amgylchedd a gweithgarwch economaidd yn gysylltiedig yn ystod y cyfnod Mesolithig, yn enwedig yn y parth arfordirol?
• A ddaeth poblogaethau Neolithig yn fwy sefydlog o ganlyniad i ddatblygiad amaethyddiaeth?
• Sut y newidiodd arferion o ran hwsmonaeth anifeiliaid a phlanhigion?
• Ym mha gyfnodau y mae’n bosibl nodi defnydd tymhorol neu drawstrefa?

Ni pharatowyd unrhyw bapurau seminar ar y thema hon yn 2003. Yn lle hynny cyflwynwyd papur Cymru Gyfan i'r seminarau rhanbarthol.