Mae gwybodaeth resymol am batrymau anheddu’r Oes Efydd ddiweddar a’r Oes Haearn drwy oroesiad clostiroedd â chloddiau a bryngaerau. Fodd bynnag, prin yw ein gwybodaeth am ddefnydd tir a sut y defnyddiwyd adnoddau, ac nid oes braidd dim tystiolaeth ar gyfer gweithgareddau angladdol neu ddefodol.

Rhannau/crynodebau o'r blaenoriaethau ar gyfer pob cyfnod yw'r darnau canlynol. Ceir y testun llawn trwy glicio ar y cysylltiad isod i'r Adroddiad Terfynol i Gymru Gyfan.

• Aneddiadau a defnydd tir - Mae angen i ni nodi aneddiadau diamddiffyn, deall eu perthynas â safleoedd amddiffynedig, ac astudio defnydd tir ac arferion amaethyddol.
• Yr amgylchedd yng Nghymru - Mae angen cynnal gwaith dadansoddi amgylcheddol i gadarnhau effaith dirywiad yn yr hinsawdd ar amaethyddiaeth a chymdeithas yn yr Oes Efydd ddiweddarach.
• Arferion defodol ac angladdol - Mae’n bwysig nodi safleoedd sy’n gallu dweud wrthym am arferion defodol ac angladdol, a darparu olion dynol i’w hastudio.