Wedi’r goresgyniad Rhufeinig, mae’r dystiolaeth o newid yn cynnwys arteffactau amrywiol a ffynonellau dogfennol, a cheir fframwaith a ddeellir yn rhesymol dda. Er hynny mae bylchau gwybodaeth sylweddol o hyd.

Rhannau/crynodebau o'r blaenoriaethau ar gyfer pob cyfnod yw'r darnau canlynol. Ceir y testun llawn trwy glicio ar y cysylltiad isod i'r Adroddiad Terfynol i Gymru Gyfan.

• Archaeoleg y blynyddoedd ymgyrchu cynnar - Mae tystiolaeth newydd o safleoedd wedi dechrau bwrw amheuaeth ar ddehongliadau blaenorol.
• Rhyngweithio rhwng y goresgynwyr Rhufeinig a’r boblogaeth frodorol - Dylid asesu cydberthynasau drwy archwilio aneddiadau o statws uchel megis bryngaerau, trefi bychan, filâu a’r vici, sef yr aneddiadau sifilaidd a ddatblygodd ger aneddiadau milwrol.
• Arferion angladdol a defodol - ceir tystiolaeth gref am gredoau ac arferion angladdol yn y rhan fwyaf o’r Ymerodraeth Rufeinig, ond prin yw’r dystiolaeth ohonynt yng Nghymru.